Waar lewende dooies loop (Afrikaans Edition)

Onder hom lê die water swart en dreigend toe hy oor die skuinste se rand loer. Met nog ’n diep asemteug spring hy in die water in. Hy hoop dat al die krokodille voor by die kos is.
’n Oomblik lank sukkel hy met Queenie se gewig om sy ewewig te vind. Toe kry hy koers. Vier lang hale neem hom tot by die kant van die gebou. Vier lang hale wat talle rekords oortref.
Koestend storm hy uit die water, ’n kortkop voor ’n honger krokodil. Hy storm teen ’n stywe pas onder die naaste bome in, en draf strandlangs na die plek waar hy die kano op die sand uitgesleep het.
Hy het Queenie! Hy het haar gevind. Nou moet hy haar by haar bewussyn kry. Sal sy weet waar Ansie en Girlie is?