Simfoni Mendimesh (Albanian Edition)

Në këtë përmbledhje të parë poetike, vargu i poetit të ri përfiton prej mendimit të lirë dhe shprehjes së pazakontë të mendimeve dhe nuancave të guximshme poetike. Lexuesi mendimtar do të gjejë në këto vargje një cilësi sugjestionuese të poezisë, shkreptima tërësisht origjinale dhe depërtime të thella brenda jetës; fjalë dhe shprehje të cilat ekspozojnë një gjallëri të jashtëzakonshme të fuqisë përshkruese dhe imagjinuese, shpesh të vendosura në një kornizë në dukje të çuditshme apo edhe të thyer. Në shumë raste këto vargje do t'i duken lexuesit si poezia e shqyer me rrënjë, me shi, me vesë e plisa ende të kapur nëpër to, duke i dhënë asaj një freski dhe një aromë e cila nuk do të mund të ishte shprehur ndryshe.